Halldór hóf störf árið 1998, tók sér svo hlé um tveggja ára skeið og flutti til Svíþjóðar. Árið 2013 komu Halldór og Helle Laks til baka og í dag er Halldór bústjóri Dals og hefur í gegnum árin séð um tamningar, þjálfun og sýningar á hrossum búsins, og sinnt mörgum öðrum störfum svo sem, viðhaldsvinnu og byggingaframkvæmdum. Hann hefur sýnt fjölda hrossa frá búinu sem hafa náð 1. verðlaunum í kynbótadómi. Má þar nefna hryssur eins og, Hrímu ( hæst dæmda 4 vetra hryssa  árið 2005), Orku, Fljóð, Hátíð, Grósku, Foldu, Atorku, Dunu, Teklu, Dýrð og fl.  Með Halldór í hnakknum vann stóðhesturinn Glúmur frá Dallandi  flokk stóðhesta 7v. Og eldri á LM  2018 og Nátthrafn frá Dallandi sigraði ístölt í Rvk. í þrígang. Halldór hefur auk þessa tekið virkan þátt í ræktunarstarfinu með okkur eigendum Dallandsræktunarinnar í gegnum árin. 

Halldór útskrifaðist frá Hólaskóla árið 1995 og tók hæstu einkunn sem reiðkennari þaðan vorið 2007. 

Miklar framkvæmdir hafa átt sér stað í Dal í tíð Halldórs og Helle Laks, m.a. bygging glæsilegrar reiðhallar með tengibyggingu, endurbygging gamla hesthússins 2006 og bygging 24 hesta húss og vélageymslu árið 2008. 

Helle Laks frá Udevalla í Svíðþjóð kom fyrst í Dal sem verknemi frá Hólaskóla og útskrifaðist sem tamningamaður frá Hólum árið 2003. Hún hefur unnið við tamningar bæði í Dal og víðar hér á landi. Hún hefur að auki starfað við garðyrkjustörf og hjálpað til við trjáræktina í Dallandi í gegnum árin. Hún útskrifaðist sem skrúðgarðyrkjumeistari árið 2020 frá Landbúnaðarháskóla Íslands. Helle hefur haft umsjón með trjám og plöntum umhverfis Dal og Dalland á sl. árum.